Gaur IKT-en konparaketaren aurkezpena egiteko taldeon txanda izan da, hori dela eta klaseko ordu guztia aurkezpenak egiteko erabili dugu. Aurreko astean geure lana aurkeztu ez genuenez geuk ere gaur aurkeztu dugu gurea. Vuvox programarekin eginiko aurkezpen xumea izan da guk egin duguna, eskoletan ikusi duguna azaldu nahi genuen bertan. Izan ere, azken urte hauetan gure gizartean teknologiak izugarrizko aurrerapena eta eboluzioa izan du eta haurren bizitzan zurrunbilo baten moduan sartu da. pixkanaka haurrak ordenagailuetara hurbildu dira baina horretarako irakasleek euren ezagutzak sakondu behar izan dituzte.
Ikasleek ordenagailuak jolaserako erabiltzen dituzte, proiektu telematikoetan parte hartzeko, idazketarako baliabide bihurtu da, entretenitzeko erabiltzen dute... hitz gutxitan esanda ordenagailua gelako jardueren osagarri bilakatu da. Baina noizbehinka itsutu gabe ordenagailuekiko distantzia bat hartzea beharrezkoa da horrela gelan izango duen erabilera orekatua eta antolatua izan dadin. Beraz, hona hemen gure aurkezpena:
No hay comentarios:
Publicar un comentario